سجـل حظـورك ببـيت شعر يعجبك....أرجو التثــبيت

السلام عليكم

صبـآآح/مسـآآء
الخــــيــــر

المــوضوع مبيــن من عنــوانوه

سجــل حظـورك ببـيت شعر قـرأته أو سمعــته وأعجبك

فعطــنآآآآآه هنيـآآ

أبي تفـآآعل

وأنا أبـدأ
.
.

ماعلموك في غيبتك وش جرالي ** حتى الخبل لا شافني قال عزاااه
كل ماقلت ابدله ساعة في زماني**ناح ورق الحمام الي جذبني هديله

يمكن يضيع الشــــوق في داخل إنســــــان
ويمكن يضيع إنســــان من كثرة الشـــــــوق
وكم خافق من حرقة الشـــوق ظميـــــــان
ما كن له حس ونبضـــــات وعــــــروق
يـــــــــــا صاحبي كـــأنك على الوصل شفقان
فأعرف تـــــرى قدرك على الراس من فوق

أعـمل وتــلقـى والـجمـآيل بضــآعة ’’’ وعـند النـشـآمآ مـآتبـور البــضآآيـع

لاتـزرع المـعروف في غـير قــآآعة ’’’ والطـيب في بـعض الرجآجيل ضـآيع

لانيب منيات ولايدرابه شطر حفظته ماعرف كتابه

الشآعر / خلف مشعان العنزي
رد على أبن فطيس

مانــيب مـن يـاتي عشــان يــدرون ’’’’ أنا اللـذي يدرون به قبـل يــآتي
نجمـي سطــع من غيــر بيرق ومليـون’’’ قلـيل في جــيلي يسوي ســواتي
ماجــيت أهـآيط بــس لازم يعرفـون’’’ مازعزعت بـعض السوآلف ثــباتي

والله رد قوي

ماسمعتها كلها كان تعـرف وش القوي

مشــيت لأجلـك على كل ممنـوع ’’’ مـدري جنــون الحـب ولا شجــآآعة

ياخي ليش مافيه إلا أنا وأبومحمد بالمنتدى نعــرف ونسمع شعر

ولا ششسالفه
نبي تفاعل

والله صادق ياابومنى

كل هذا دفارة

لاتبعدوني ياعــرب من هـواها ’’’’ هي غـآآيتي بالحــب تكفــون تكـفون
لو غـآبت اللـيله أروح معـآآها ’’’’ مـآلي أبد عيشــه بـلاها وتـــدرون
هي علتـي صـآرت وأبغـا دواها ’’’’ ولا يـداويني من النـآس ملـــيون

حـزين والله أني حزين وخاطري مكـــسور ... لو أضحــك وأتــظاهر يابـحر جدة
وأنا يابحـر يوم أصـد وأخفـي دمعتـي معذور ... لك الله يابحــر صـديت والصـدة هي الصـدة
وأنا ماني بحـي الله بشــر يكشــف لك المستور ... أنا رجل يموت ولا درت الأمواج عن سـده

اكبر القهر لاصار للشخص وجهين
وجه يحبك فيه ووجه يذمك
تزرع له الخفاق ورد ورياحين
وهو يحاااول بالخفا هدر دمك
الله يسامحك من جزى الزين بالشين
وياقلب خلك صابر ولايهمك

كل الطيوف تقول وش حال غاليك..... واقول راح ومابقى الا غلاته

ليت القـــبر ينــبآآج وتشــوف بالعــين ’’’ يابـن رشيــد الـوقت زآد ميــلانه

تغــيرت كل القــيم والقــوآآنــــين ’’’ حتـى الحــصآآني صـآآر عنــده حصـآنه

تامر أمر

قائل البيت هو:حامد زيد
أبك أنا لاشفت خلي حط غيري في مكاني...والله اني لأتركه وان صد لاعشق سيد سيده

تخيل من كثرماأخاف تلقى للزعل iiمدخال أخاف أخطي على طيفك وادوس برجلي ظلالك

قائل البيت هو:حامد زيد
دايم أعرف كل شاعر يهيم بكل iiواد وانهم دايم يقولون مالا iiيفعلون
حتى انا الي قلت أعشقك وما اطيق البعاد يمكن اطلع ما عشقتك ولا هم يحزنون

بلمك وانثرك واجمعك وارجع وانثرك iiبهمال بخونك وازعلك وارضيك وازعل منك وارضالك..

ترى حلاتك لاحملت لصاحبك كلمة عتاب أن مانطقت بها بوجهه ماتذمه بظهره

وش بغيت أمر تمنى لايغرك صغر iiسني شايف نجوم الثريا 00جبتها لك لو بغيت 00

الجمهره ,,,,
مشكلتي إني ماعرفت أحسب لصدتهم حساب ** قلطتهم صدري علـى ذكـري قصيـد وحنجـره
صوت ٍ يصول بمنبره واخطاب مامثله خطاب ** والطيبه اللي زعزعت صوت الخطيب ومنبـره
مافيه دمع ٍ صوبوه أحبابي بوجهي وخـاب ** ولازرق حزنـي علـى غالـي ولافـج انحـره
كل الزهاب اللي معي ذكرى من أصحاب الزهاب ** واللي بقالي من عذاب اشرس طريقي وأخطره
لأني تجنبت الغرق.. عديت من فوق السحاب ** لأن أكثر أصحابي ورق..ماشفت للطيـب إثمـره
والله ماحطيت بين الحقد والخوه حجاب ** حتى غدوا ربعـي يحدونـي علـى الضيـق أشكـره
أثر المصايب ماتجيك إلا من الناس القراب ** وبهالزمن حتى الخـوي اللـي تثـق فيـه أحـذره
لابارك الله في رفيـق ٍ تزعلـه كلمـة عتـاب ** ولاجمـع الله الرجـال اللـي تفرقهـم مـره
الصاحب اللي مايجي من صحبته غير العذاب ** نذر ٍ علي إن ماهجرني وإلا أنا اللـي بأهجـره
من يفتح لفرقـاي بـاب أفـك لـه عشريـن بـاب ** وأذا خويـي مايقـدر خوتـي ماأقـدره
عقب أكتئاب البارحه ماعاد انا حمل إكتئاب ** الطيب جرجرني وانـا مانـي بناقـص جرجـره
اللي يخاف من الظما يترك لنا طرد السراب ** واللي ماهـو بقـد الظـلام ووحشتـه لايسهـره
انا تجرعت الظما لين أحترق وجهي وذاب ** انـا كسـرت بخاطـري قبـل الصداقـه تكسـره
انا أكثر (أنسان) تعلم من كثر ماأخطأ وصاب ** انا أخر (لسـان) يتكلـم فـي زمـان الثرثـره
جفني وجرّحه السهر ، حيلي وهدّت الصعاب ** دمعي هدر،ضحكي ندر،عمري وضيعت أكثـره
شيبت بعقول العرب..هيبت روس ٍ ماتهاب ** جمهـرت نـاس ٍ عمرهـم مايعرفـون الجمهـره
ماصرت ذيب إلا لأن اللي تحدوني ذيـاب ** مـا كنـت أغيـب إلا لأن العفـو عنـد المقـدره
ترى حلاتك لاحملت لصاحبـك كلمـة عتـاب ** أن مانطقـت بهـا بوجهـه ماتذمـه بظهـره
ودك اليامن جاتك الغلطه من الناس القـراب ** الصاحـب اللـي ماكسبـت محبتـه ماتخسـره

القصيده :انتي ولا شيّ
والله وصرتي تستهينين فيني
وانا الذي سويت لك قدر بيديّ
تدرين وش كنتي قبل تعرفيني ؟
ان قلت لك كنتي ولا حاجة شويّ
انا الذي فرشت لك رمش عيني
وعملت منك شي وانتي ولا شيّ
جيت اعشقك ما جيتك لك تحقريني
جيت اسكنك بسمة ما هو بسكنك غيّ
لا صرت عامل لك قدر قدريني
ترا الكرامة صفحة ما لها طيّ
ما دام ما جيتي غلا لا تجيني
نار الجفا عندي ولا الذل بالفيّ
والله لاهجرك قبل لا تهجريني
اجل تبيعيني واجيلك برجليّ

يا تتركين الكبر يا تتركيني
لأن المحبة شي والمهزله شيّ
إن كانت الدعوة غلاي وحنيني
يمكن يزول الحقد ويشعشع الضيّ
لكن حكاية ينحني لك جبيني
في ذمتي ما ينحني لك وانا حيّ
ـــــــــــــــــــــ